հուլիս 31

Մուտք՝ 20:30

Սկիզբ՝
20:00

Մարտին Վարդազարյանը հայ երաժշտության ամենահեղինակավոր ու նշանավոր գործիչներից է՝ իր սերնդի այն եզակի լեգենդներից, ով այսօր էլ շարունակում է ակտիվ ստեղծագործել։ Ավելի քան վաթսուն տարվա ստեղծագործական ուղու ընթացքում նա հեղինակել է սիմֆոնիկ, կամերային, ջազային և բեմական բազմաթիվ ստեղծագործություններ։ Մասնավորապես հանրահայտ է նրա երաժշտությունը հայկական կինոյի և հեռուստատեսության համար. «Սարոյան եղբայրներ» (1969), «Բարև, ես եմ» (1966), և «Երկար կյանք» (1979) ֆիլմերի համար գրված նրա մեղեդիները մինչ օրս մնում են են հայ ժողովրդի հավաքական հիշողության անբաժան մասը։

Բացի ստեղծագործական գործունեությունից, Վարդազարյանն առանցքային դերակատարում է ունեցել Հայաստանի հետխորհրդային երաժշտական դաշտի ձևավորման գործում՝ ղեկավարելով ՀՀ ազգային ռադիոյի էստրադայի և սիմֆոնիկ նվագախումբը, վարելով մշակութային ծրագրեր և տանելով ծավալուն լուսավորչական աշխատանք։ Մաեստրո Վարդազարյանը հայկական ջազի հիմնասյուներից մեկն է՝ որպես կոմպոզիտոր և դաշնակահար։

Աննա Վարդազարյանը՝ նրա դուստրը, դաշնակահարուհի և երգչուհի է։ Սովորել է Երևանի Կոմիտասի անվան պետական կոնսերվատորիայում։ Մանկուց շրջապատված է եղել երաժշտությամբ, և նրա վրա մեծ ազդեցություն են ունեցել ինչպես դասական, այնպես էլ ջազային ավանդույթները։ Նրա պապիկը՝ Ցոլակ Վարդազարյանը, 1938 թվականին ստեղծված Հայաստանի պետական ջազ նվագախմբի հիմնադիրներից էր, իսկ հոր՝ Մարտին Վարդազարյանի վաղ շրջանի ջազային ստեղծագործությունները Աննայի ճանապարհը հարթեցին դեպի ջազային իմպրովիզացիա և բեմ։

Այսօր Աննայի ստեղծագործական ուշադրության կենտրոնում են սվինգ, բլյուզ և բիբոպ ժանրերը՝ առանձնահատուկ շեշտադրումով իմպրովիզացիայի և վառ երանգավորման վրա։ Երգչուհու ոճը միավորում է դասական կառուցվածքն ու արտահայտչական ազատությունը՝ հիմնված անհատական վարպետության և երաժշտական ժառանգության վրա։


Այս ամառ առաջին անգամ Մարտին և Աննա Վարդազարյանները ելույթ կունենան միասին։ Նրանց համերգը կրում է «Սերդ Պահպանիր» խորագիրը՝ ի պատիվ Մարտին Վարդազարյանի ամենասիրված երգերից մեկի։ Ծրագիրը ներառում է Մաեստրոյի ամենահայտնի և սիրված ստեղծագործությունների ընտրանին՝ հանդիսատեսին նվիրելով հարազատ ու կարոտած մեղեդիներ։